اقوي علاج لتساقط الشعر

شكوى تساقط_الشعر زادت الأيام دى 
مهم نعرف ان التساقط فى حد ذاته مش مشكلة تقلق
إلا لو زاد عن حده الطبيعى 
لان الشعر بيتساقط من 50 الى 150 شعره فى اليوم 
وكل ما كان الشعر طويل بيكون فيه إيحاء ان التساقط زايد 
ونفرق بين التساقط الطبيعى والزايد بظهور الفراغات 
وكل ما كانت الفراغات مساحتها كبيرة 
كل ماكانت المشكلة اكبر
و لعلاج مشكلة تساقط الشعر
يجب معرفة سبب التساقط اولا ونعالجه
أسباب تساقط الشعر 
اهم اربع اسباب لتساقط الشعر 
1_ الانيميا هى سبب رئيسي للتساقط وبالذات نقص الحديد

والبروتين و نقص الزنك ويظهر ذلك اثناء الحمل والرضاعة او بعد الولادة 
2 _ مستحضرات غلط بتهلك الشعر او تسبب تساقطه او تكون قشرة
سواء تكون مواد كيمائية حامية على الشعر 
او تحتوى على مواد حافظة بنسبة عالية توقف نمو الشعر
ايوة وجود مواد حافظة فى مستحضرات الشعر من العوامل المسببة لتساقط 
لان المواد الحافظة كما تؤثر على البكتريا وتدمرها او توقف نشاطها 
ثؤثر على خلايا الشعر وتدمرها او توقف نشاطها 
وبالإستمرارية لا تكون نسبة الشعر الجديد بنفس النسبة التى تساقطت
وتبدأ ظهور الفراغات 
و لكى نتجنب هذا السبب يكون باستعمال مستحضرات خالية من المواد الضارة 
بداية من استعمال الشامبو وحمامات الكريم والسيروم 
3_ خلل في وظائف الغدة الدرقيه او لخبطة الهورمونات
وهذا السبب لن يكون خفى هو يظهر فى وظائف الجسم الأخرى 
4_ قشرة الرأس بنسبة كبيرة 
لان وجود نسبة كبيرة من القشرة تسد مسام الفروة وتقلل التغذية الواصلة للشعر واطرافه 
كما ان كثرة القشرة عامل مؤثر بالسلب على الشعر الجديد 
علاج تسافط الشعر 
اولا علاج او تجنب الأسباب 
ثانيا تغذية الشعر داخليا وخارجيا 
معالجة السبب الاول وهو الانيميا ونقص الحديد والبروتين بتغذية الشعر داخليا 
بالطعام الجيد الغنى بالحديد والبروتين والفيتامينات
التغذية الداخلية للشعر 
 لازم نعرف الاول ان اساس تركيبة الشعر هى البروتين والحديد
وان لو الاكل الى بناكله مش غنى بالبروتين والحديد هنواجه المشكلة دى
و نتاكد الاول ان مفيش انيميا
الانيميا لازم تتعالج الاول
لان الجسم زكى جدا وعنده اجنده بيضع فيها اولوياته
واولياته هو الدورة الدموية والحفاظ على نسبة الحديد فى الدم 
الحديد مهم للدورة الدموبة و هو العنصر الاساسى فى خلايا الدم الحمراء الى بتنقل الغذا للجسم كله
ولما الغذاء بيكون فيه حديد قليل الجسم بيوفره وبيخزنه لاستعماله فى تكوين كرات الدم الحمرا
وتبع ترتيب الاولويات
يعنى الدورة الدموية وتكوين وتجديد كرات الدم الحمرا اهم بكتير من تكوين وتجديد الشعر
والنتيجة هتكون ان الشعر الى بيسقط مش بيتجدد غيره 
لان الجسم مش عنده العناصر الاولية الى يكون بيها ساق الشعرة
وعامل مؤثر جداا ويلاحظ اكثر فى الأجيال الجديدة وهو طبيعة الأكل الى تغيرت كتير واختفت او قلت المأكولات الطبيعية و السويت الطبيعية الى كانت منتشرة من 20 سنة
وظهر بدلا منها الفاست فوود والشيبسى والمقرمشات والتوفى الى اصبح يصنع من الجلوكوز وليس السكر الطبيعى والعسل الاسود مثل فى الماضى 
وقاعدة مهمة نعرفها