اجمل الوصفات للتوفير

1/ بالنسبة للسمنة بجيب كل يومين اتنين كيلو لبن بغليهم واحطهم فى الثلاجة ماخدش منهم لبن خالص لغاية الصبح تتكون طبقة سميكة جدا من القشطة بشيلها فى علبة على اخر الشهر تكون اتملت اعملها سمنة برطمان صغير تكفينى طول الشهر مع ازازة زيت ذرة مابحتاجش اجيب سمنة بلدي من بره
2/بعمل بكيلو لبن زبادى بتطلع8كوبايات صغيرة وطعمها تحفة وطبعا نظافة وتوفير وطعمها يجنن واللى عاوز الطريقة هقولهاله 

للنظافه

3/ بجيب داونى او اى معطر ملابس كيس صغير بحطه فى ازازه واملاها مايه وارش منها فى البيت وداخل الدواليب علي الملابس وعلي الستائر طبعا الريحة ماقولكوش وكمان للناس اللى بتتعب من الروايح مش هتتعب من الريحة دى وهتوفر معاكى بدل معطرات الجو

4/ بالنسبه لنظافة التواليت بجيب كيس كلوركس صغير او اريال جل او اى حاجة ابو 2جنيه ده وتخرميه بالابرة وتحطيه فى السيفون وكل ماتشدى السيفون هيتملى رغاوى صابون وريحة حلوة ونظافة على طول

5/ عشان تعملى احلى مكرونة بشاميل زودى كريمة لبانى وجبنه مثلثات على البشاميل

 ومنتسيش تحطي معاهم شويه جبنه موتزاريلا هيبقى فظييييع ولما تطلع من الفرن غطيها على طول هتبقى طرية جدا ماتقطعهاش الا بعد لما تبرد خالص وادعيلى

6/كل لما تعصرى طماطم اوعى ترمى اللى ماتصفاش ده منها اللى بيتبقى فى المصفى شيليه فى كيس فى الفريزر وكل لما تتبلى الفراخ خدى من الكيس ده مش هتحتاجى تبشرى طماطم مخصوص عشان التتبيله

7/ فرق معايا اوى كل لما اجى احط مايه بتغلى على النار الاقى الدهون اللى على السيراميك بتدوب اعمليه بليفة وهتطلع بسهولة معاكى لا دعك ولا غيره

8/ الحنفيات ادعكيها بفوطة عليها نقطة زيت جونسون هتلمع زى الجديدة بالظبط وهتفضل كده مدة هتنبهرى بمنظرهم

9/ لتطهير البيت والوقايه معلقة كربوناتو ومعلقة ملح ليمون وكوباية خل حطيهم في وعاء عميق وواسع وقلبي وخدي من الفوران بتاعهم بيشيل اي زيوت او دهون بدون دعك ويعقم اي حاجه وادعيلي