حياة ولاد العم

وكانت هاجر وسلمي وشوية ناس واقفين يتفرجو
هاجر كل دا عشان الست حياه .
سلمي ياشيخه حرام عليكي مش كفايه الهي في .
هاجر ياختي اتوكسي تعالي شوفي محروس اخويا لما بيغمي عليا بيقوم مديني بونيه في وشي ولما اقوم يقولي كنت بقومك .
سلمي بضحك ونبي اخوكي دا جدع .
هاجر جدع اوي نفسي امشي من الحاره ومحروس واكون مع صقر واشوف العز بقا .
سلمي بصي تحت رجلك ياهاجر ومبتبوصيش لحاجة حد . ولو فاكرا استاذ صقر هيسب حياه عشانك تبقي غلطانه .
هاجر مش هو الهيسبها هي الهتسيبو .
سلمي ودا ازاي ان شاء الله.
هاجر هنفذ الخطه .
سلمي ياشيخه حرام عليكي. انا قولت انتي طلعتي الموضوع دا من دماغك خلاص .
هاجر لاء مطلعتوش وصقر هيكون ليا .
سلمي تبقي بتحلمي لو استاذ صقر سابك بعد الهتعملي .
هاجر طب يلا ياختي يلا نرجع نخلص شغل عشان اروح قبل محروس ميرجع وينفخوني اني اتاخرت .
سلمي يلا ياختي يلا .
ورجعو تاني الشركه يكملو شغلهم 
في المستشفي
وصلو الي المستشفي وصقر كان عامل زي المچنون في المستشفي .
صقر دكتوره بسرعه دكتوره .
جات الدكتوره ايوه يافندم .
صقر شوفيها بسرعه .
اخذت الدكتوره حياه ودخلت .
بسنت هو انتي ياميار مينفعش تدخلي معاها .
ميار انا تخصص اطفال يابسنت بس ممكن ادخل واقف معاهم .
سما طب ادخلي وطمننا .
ميار حاضر . ودخلت ميار عند حياه .
صقر يارب يارب ميكون حصلها حاجه .
سما والله ياصقر اختي لو حصلها حاجه هتكون انت السبب .
صقر ان شاء الله مش هيحصل حاجه .
وليد مش وقته الكلام ده ياسما احنا كلنا قلقنين علي حياه وصقر أولنا .
بسنت ان شاء الله خير.
حسام هي اغمي عليها ازاي كده وانتو معاها .
نظرا سما اليه وقالت وهو احنا عشان معاها هنمنع يغمي عليها يعني .
حسام بت اتعدلي في كلامك وبلاش تريقه .
سما بت لما تبتك متقوليش يابت .
حسام والله لو مسكتي ياسما لجيلك .
حازم ياجماعه صلو علي النبي لما نشوف حياه مالها .
الكل عليه افضل الصلاة والسلام على رسول الله.
وبعد وقت قصير خرجت ميار والدكتوره بتاعت حياه .الكل جري عليها .
صقر ها يادكتوره مالها حياه .
الدكتوره بس بس اهدو هي كويسه بس السكر ارتفع عندها شويه وشكلها كانت زعلانه ولحقنها الحمدلله .
سما يعني هي كويسه .
ميار ايوه والله كويسه وفايقه جوه اهي ادخلو اطمنو عليها .
دخلت سما وميار وبسنت وحازم وحسام جري الي الداخل وفضل صقر ووليد في الخارج .
وليد ايه يابني مش هتخش تشوفها وتطمن عليها .
صقر مش عارف ياوليد هقولها ايه .
وليد انا من رائي ياصاحبي تقولها الحقيقه وانك بتعمل دا كله عشانها وتعرفها تتعامل عادي مع البت دي
صقر رائي كده ياوليد .
وليد اكيد عشان ميحصلش مشاكل بنكم اكتر من كده .
صقر تمام يلا ندخل وربنا يستر .
وليد يلا وخبطو الباب عشان يدخلو . دخل صقر ووليد .
وحياه اول مشافتهم .
في الصعيد .
سهام محمود رن علي الولاد شوفهم عاملين ايه .
عامر مالك ياسهام انتي من لما رجعنا من مصر وانتي قلقانه كده .
سهام مش عارفه ياخويا بس قلقانه علي الولاد اوي معرفش ليه كده.
محمود انتي علي طول كده ياسهام مبيكونش في حاجه وتكوني قلقانه .
سهام طب طمن قلبي ورن عليهم شوفهم .
محمود حاضر ياستي . وطلع التلفون من جيبو عشان يرن علي صقر ..
40
حياه بعصبيه جاي ليه ياصقر في كلام تاني عاوز تقولو ولا قرار تاني عاوز تقولو .
صقر اهدي ممكن عشان متتعبيش .
وليسه حياه هتكلم رن تلفون صقر .
حياه اه رد رد يامكن الست هاجر عاوزاك تخرجها بلمره .
صقر اوووف يارب . دا عمي اهو عمي . ممكن تصبري بقا لما اشوف هقولو ايه .
وليد وفيها ايه يابني مترد .
صقر ياعم هيسالني علي الست هانم ولو قولتو في المستشفي هيقلق .
حسام بلاش تقولو في المستشفي قولو اننا خرجنا في مطعم برا .
صقر اهو فصل لو رن تاني هقولو .
والباب خبط .
الدكتور مساء الخير.
الجميع مساء النور.
صقر ايوه في حاجه .
الدكتور ممكن اشوف الحاله .
صقر بغيره نعم اومال فين الدكتوره المتابعه حالتها .
الدكتور دا الشفت بتاعي انا الدكتوره روحت وانا الهتابع دلوقتي الحاله