جاهله ولكن بقلم منال عباس
كمان
قاسم وطى صوتك ...هشرحلك كل حاجه بعدين
انا لا اتجوزت ولا نيله ..انا ...وصمت لأنه وجد ..
صقر عينيه وعيون كل الضيوف تتجه نحو الأعلى ..فنظر هو الآخر ليقف مندهشا ....حيث كانت تمارا تنزل من على السلم بخطوات واثقه من نفسها وترتدى دريس ابيض يبرز جمالها وجمال جسدها الممشوق ..وتفرد شعرها الحريرى خلف ظهرها ليبدو كم هو جذاب بطوله ...وتضع القليل من مساحيق التجميل يجعلها اكثر انوثه وحذاء ابيض عالى الكعب وعقد من الماس ...
صقر اوبااااا ..مين القمر دى وترك قاسم وذهب ليتعرف عليها ...
قاسم يخربيت جمالك يا تمارا ...ثم فاق من اندهاشه ليجرى بسرعه ويمسك يد صقر قبل أن يسلم على تمارا
قاسم اعرفك بي تيما مراتى ...
صقر بقي القمر دا تبقي مراتك !!!
قاسم وبعدين معاك يا صقر
صقر فى ايه يا قاسم وبصوت منخفض ..مش قولت أنك ما اتجوزتش ...سيبنى اتعرف عليها ...
صقر حقك يا صاحبي ..دى ملاك
امسك قاسم يد تمارا
قاسم ايه الجمال دا يا تيما
تيما بخجل يعنى عجبتك
قاسم انتى تجننى يا عمرى
بدأ الحاضرين يهنئون قاسم على حسن اختياره
كانت تمارا ترد فى حدود اللياقه حتى لا تحرج قاسم ...وقفت شمس مذهوله فالجميع يحاوط قاسم وتمارا بفرحه ونسوا وجودها ...وكأنها شئ لم يكن ...
شكلها عبيطه فى كلامها وتصرفاتها ...اكيد قاسم هو اللى ساعدها علشان تظهر بالشكل دا ...بس على مين ورحمة امى لاخليك تظهرى على حقيقتك ....
شمس للضيوف اتفضلوا البوفيه جاهز ....
ثم نظرت إلى تمارا مش هتيجى يا عروستنا علشان تقطعى التورته ...فهى تريد احراجها وتعلم أنها لا تجيد استعمال الشوكه والسکين ...
ذهب قاسم وتمارا
قاسم عنك انتى يا حبيبتي معقول انا ابقي موجود وانتى تعملى حاجه ...وقطع التورته وبدأ هو يطعمها بالشوكه فهو يشعر بنية شمس الغادرة ..
شمس ماشي يا قاسم ...عرفت تدارى دى كمان
بس انتظر دا انا محضرة ليكم مفاجئات .....
وصل لؤى إلى الحفله
