حكاية بنت

هي كمان. أزاي دول يحطه أيديهم في أيد واحد زي أبويا فاتح بيته للاعمال المنافيه. وبيتجار في بنات البنوت
صابر
وأنتي ذنبك أيه أنك طلعتي لقيتي أبوكي كده لو بيحبك
لازم ما يفكرش بالطريقه دي
نورا
الحب حاجه والجواز حاجه تانيه
وعيط ومابقتش قادرة امسك نفسي وفي الوقت دة جت زينب وبصت لي وقالت
نورا. انا شوفت استاذ ناجي نازل من عندكم. معقوله يكون طلع شئون العاملين وجاب عنوانك منهم
بصيت لها وانا لسة شاكة فيها وقولت
لا. واحدة اتصلت بي وقالت له علي كل حاجة عني. ما تعرفيش مين
لكن طريقة كلامي معها كانت باينه اوي اني شاكة فيها
فقالت لي زينب
اللهجة بتاعتك بتقول انك شاكة فيا. 
نورا بحړقة
ماحدش يعرف عنواني في المصنع الا انتي. ولا حد يعرف ابويا صقر برضو الا انتي. بس عارفة اللي محيرني انك قدامي تباني انك صاحبتي اوي واختي وفي ظهري بتخربي كل اللي بيني وبين ناجي. 
زينب وهي مصډومة
ولية هاعمل كدة
نورا 
ماعرفش ومش عايزا اعرف. ودلوقتي اطلعي برة ومن النهاردة مش عايزا اعرفك تاني
زينب
نورا أنا ماقولتش حاجه لناجي أزاي تشكي فيه كده
نورا
بطلي كدب وتمثيل بقي
فبصت زينب لخالي صابر وقالت
سامع يا عم صابر نورا بتقول اية. أنا اعمل كده ده أحنا متربين سوي.
صابر
والله يا بنتي انا مش عارف أقول لك أيه بس نورا بتتكلم صح من غيرك يعرف كل ده عن نورا وناجي قال واحده كلمته في التيلفون وقالت له علي كل حاجه أنا مابحبش
أظلم حد بس كل الشواهد ضدك
زينب قالت والدموع محپوسه في عيونها
شكرا يا عم صابر أنك شايفني واطيه كده
وبصت لي زينب تاني. وقالت
انا ماعملتش كده يا نورا لاني ماليش مصلحه أوقع بينك وبين ناجي
وخرجت زينب من الشقة وهي بټعيط بحړقة وساعتها بس حسيت قد اية انا ظلمتها واتصلت بواحدة صاحبتي مخطوبة لموظف في مكتب شئون العاملين وطلبت منهم تكلمة وتعرف لي منه مين خد عنواني من الملف بتاعي وفعلا اتصلت بعديها بساعه. وعرفت انها نعمه اتوجعت وحسيت قد اية انا واطية علشان شكيت في زينب. 
وفضلت زعلانه ومش عارفة اراضي زينب ازاي قولت اسيبها النهاردة وبكرة اكلمها وقبل ما تخلص الليلة وبعد اذان العشاء سمعت صوت خبط علي باب الشقة روحت افتح ولقيت ناجي واقف علي الباب وفي ايدة شيكولاتة من اللي انا بحبها وبيمد ايدة بالشيكولاته ناحيتي وقال
بحبك وعايز اتجوزك
ما بقتش اعرف ارد اقول اية وبقي كل اللي علية اعيط من الفرحة مش مصدقة ان ناجي رجع تاني مش مصدقة بجد ان حبيبي قدام مني وعرف عني كل حاجة واختارني وماخرجتش من حالتي دي الا لما سمعت صوت خالي بيقول لناجي
هاتخش المره دي ولا لا
فبص لي ناجي وقال
لو هي عايزاني اخش هاخش
شورت بدماغي وانا فرحانه اوي شورت وقال قلبي قبل لساني طبعا عايزاك تخش ودخل ناجي وقعد علي الكنبة اللي في الصاله وبص لخالي صابر وقال له
انا أسف يا عم صابر لو صدر مني لفظ ضايقك
صابر
ما فيش حاجه يا ابني انا مقدر الظروف واللي انت عرفته يشل تفكير اي بني ادم. بس اللي ما تعرفوش ان نورا اول ماعرفت حقيقة ابوها
لقيت ناجي قطع كلام خالي وبيقول
زينب اتصلت بيا وقالت لي علي كل حاجة
استغربت وقولت لنفسي
بعد اللي قولت هولها تعمل معايا كدة.
وسمعت خالي بيقول
بدل ما انتي واقفة كدة روحي اعمل لينا كوبيتين شاي
نورا
ناجي ما بيحبش الشاي انا هاعمل كوكتيل هو بيحبه
صابر
خلصلنا الفاكهه اللي في التلاجه علشان ناجي يبقي مبسوط
ناجي
مالهوش لزوم انا هاشرب شاي عادي
نورا
لا كوكتيل انت ما بتحبش الشاي
وروحت المطبخ وسمعت خالي بيقول لناجي
تعرف انا كنت مراهن نفسي انك هاترجع تاني
ناجي
للدرجه دي باين عليه حبي لنورا
صابر 
عينيك ڤضحت اللي في قلبك وانا راجل كبير وليه في لغه العيون
ناجي
وقريت ايه تاني في عينيه
صابر
أنت عايز تتجوز نورا بس ماتحطش ايدك في ايد أبوها
ناجي
صح علشان كده انا هاطلب أيد نورا منك أنت
قلبي زغرط وحطيت كوبيتين الكوكتيل علي الصنية ولسة خارجة بيها من المطبخ لقيت ابويا صقر واقف اټخضيت ووقعت مني الصنية من الفزع وابويا بيقول لناجي
نورا لسه أبوها عايش ماينفعش تطلب ايدها من حد تاني
ناجي
بس انا ما حبش احط ايدي في ايد اللي زيك
صقر 
وأنت بقي مش عايز تحط أيدك في أيدي ليه خاېف تتوسخ
ناجي
بصراحه اه واحد زيك بييبع لحم البنات. النفس اللي طالع منه ينجس أي مكان هو في
ضحك ابويا ضحكة تخوف وقرب من ناجي وقال
ولما أنا وحش كدة. جاي تطلب أيد بنتي ليه
رديت وانا مغلولة 
أنا مش بنتك ومش عايزه أعرفك
صقر
مش بمزاجك أنتي بنتي ومن حقي اوافق علي العريس اللي جاي لبنتي وأنا مش موافق علي الواد ده
ناجي پغضب قال
أنا مش واد وأسمع لما أقول لك......
فيقاطعه ناجي قائلا بنبره ټهديد
أسمع أنت أنا صقر المليجي. بياع البنات زي ما انت بتقول. يعني ماعنديش رحمه بحد أبعد عن نورا والا هتلاقي حريم بيتكم بيتباعو للي يدفع أكتر
في الوقت