دهب صيني
بصراحة أنا مش عارف إنت مخلوقة من إي!! عايزة تشوفيها وتتطمني عليها وهي أصلا معبرتكيش ولا فكرت تسأل عليكي علي الرغم إنها هي السبب في حالتك!!! إتنهد وكمل بسخرية وهو بيبصلي بغموض بس علي العموم هي مش موجودة أصلا يا حبيبتي!!
_كشرت وكملت بتساؤل يعني إي مش موجودة! أنتم مش قايللي إنها هنا!!
_كمل بنبرة غريبة كانت هنا!! الدكتور إللي كان متابع حالتها يبقي صاحبي ولما قابلته قبل ما أجيلك قالي إنه هي خرجت من المستشفي إمبارح كمل وهو بيأكد علي الكلام ومن غير ما تشوفك!! ولا تسأل فيكي فياريت بقي تطلعيها من دماغك خالص ونقفل صفحتها للأبد!!كمل بحنان وهو بيحط إيده علي خدي وأنا عند وعدي ليكي مش هقول لأهلك حاجة عشان متشوهيش صورتها قدامهم زي ما طلبتي مني بس عشان خاطري إمحيها من دماغك وانا أوعدك هغنيكي عنها و هكون ليكي الصاحب والأخ والأب والزوج وكل إللي إنت عايزاه ماشي يا حبيبي
_هي عاملة إي دلوقت يا خالد
_خالد إتنهد ورد الحمدلله بقت أحسن إنت أصلا لولا كلمتني في الوقت المناسب كان زمان ډمها كله إتصفي!!
_إتنهد ورد طب الحمدلله ولو إني مش طايقها بس ربنا يعفي عنها كمل وهو بيحط إيده تحت دقنههتعمل معاها إي بقي
_أدهم خد نفس طويل وإتكلم بضيق بص أعمل إللي إنت شايفة صح ليها بس بالله عليك إبعدها عن روميساء وعني ومتخليش حد يعرف مكانها ولا أوضتها أنا ما صدقت أقنع روميساء أنه هي مشيت من المستشفي وستر ربنا عرفت أهرب من سؤالها لما شافت ډم المهببة دي علي القميص
_أدهم بصله بغيظ وكمل وهو بيقوم تصدق بالله إنت معندكش ډم!! أنا ماشي
_خالد بطل ضحك و شده يقعده وإتكلم بمرح خلاص متبقاش قموصة كدا إترزع بحاول أفرفش الجو المكهرب دا
أدهم بغيظ وماله فرفشه علي قفا أمي أنا!!!!
_الحمدلله دلوقت بقيتي كويسة وأقدر أتكلم معاكي بقي
_إتنهدت وكملت بهدوء عملتي إي في موضوع الغويشة إتلهيت الفترة إللي فاتت بتعبك ونسيت أسألك خالص..
_حاولت أبتسم ورديت بتوتر لاء ما خلاص أدهم حل الموضوع! طلع الراجل بتاع الدهب كان تقريبا حد من إللي شغالين معاه سرقه فمبدل الدهب الحقيقي بالدهب الصيني ومن حظي أنه الغويشة إللي عجبتني كانت من إللي متبدل دا..فالراجل إعتذر لأدهم جدا وإداله واحده بدالها أنا حطيتها في الدولاب من ساعة ما إداهاني!!
_إتكلمت بغيظ مصطنع في محاولة مني إني أخفي توتري هألف عليكي يعني يا ماما!! هو دا إللي حصل !! ولو مش مصدقاني روحي افتحي علبة الدهب هتلاقي الغويشة فيه!
_فضلت بصه ليا شوية بهدوء مريب لدرجة إني كنت حاسه نفسي هعترف فوري بس لقتها فجأة أتنهدت وكملت بغيظ ماشي يا روميساء هعمل نفسي صدقت إللي قولتيه دا لأنه مقداميش حل تاني غير إني أصدق و الحمدلله إنه الموضوع خلص علي خير !!
_حاولت أبتسم وإتكلمت الحمدلله فعلا يلا بقي هسيبك وأقوم أنام شوية تصبحي علي خير
_ماما بغيظ أستني متهربيش أنا فهماكي يا أختي!! ليه مبتكلميش سما وهي كمان مسألتش عليكي حتي!!
_إتنهدت ورديت بحزن ماما أنا وسما شيه قطعنا
