بائعة المتعه بقلم حنان حسن

ومن ضرتها في نفس الوقت
فا دفنت اخوكي حي .. وقدمتوا للجان.. 
وكانت فاهمة أنها بكده تم تحالفها مع الشيطان
ولكن ..الساحر قال لها.. 
أن الصفقة مازالت مؤجله
لغاية ما اخوكي يبلغ السبع سنوات
ودلوقتي العقربة بتبحث عنك أنتي واخوكي 
بعدما عرفت أنكم مازلتم أحياء.. 
يعني لو أنتي مخلصتيش عليها وعلى اخواتها
العقربة هتبحث عنك أنتي واخوكي على شان تقتلك
وتقدم اخوكي قربان للجان
على شان كده 
لازم تتغدي بيهم كلهم ... قبل ما يتعشوا بيكم.. فهمتي. 
قلت ... أيوه بس القتل حرام ومن الكبائر وأنا ........
وقبل ما أكمل اعتراضي على كلامها
أختفت العجوز... 
وأنا لقيت نفسي أدام مهمة صعبه عليا
بس كان لازم أنفذها.. 
عشان أحمي أخويا وارجع له حقه
وبدأت استرجع كلامها ليا في دماغي ثاني
وأقول ...
يعني كل قبله من شفايفي هتخلصني من واحد 
فيهم... 
طب هابدء بالعقربة الاول.. 
ولا أبدء بمين . 
لا.....لا ..لا خلي العقربة للآخر.. 
وأول قبله هتكون لأعز واحد لها.. 
على شان أحرق قلب العقربة عليه
وتتعذب زي ما عذبت أمي وعذبتنا.. 
وبسرعة غادرت المقاپر
وروحت أنفذ كلام العجوز
وقررت بأن أول قبله هتبقي من نصيب .... 
بائعة_المتعه الجزء 7
تقول هناء........ 
بعدما الست العجوزة غرست السم في شفايفي
وقالت لي..... 
أني دلوقتي أقدر أخلص من أي عدو ليا.... 
مهما كان هو مين..
بمجرد ما يتذوق قبله من شفتاي 
وأمرتني العجوز بأني أتغدى بالعقربة واخواتها..
قبل ما هي توصلي وتتعشي بيا أنا وأخويا..
وبعدما أختفت الست العجوزة..
قررت اطيع أوامرها.. 
وقلت هبدأ بق تل... ياسر.. 
لأنه الأخ المقرب والعزيز على قلب العقربة 
وفعلا ...
رجعت ثاني بسرعة على مكتب .. ياسر
وأنا مقرره أني هغافل السكرتيرة.. 
وادخل استفرد بياسر ... وأغرر بيه
لغاية ما اقتله بقبلتي السامه.. 
و لما وصلت للدور أللي فيه المكتب مدخلتش للمكتب.... 
وفضلت واقفة أمام باب الأسانسير... 
وعملت أني منتظرة ركوب المصعد.. 
وفي الحقيقة أنا كنت بتابع المكتب اللي كان مفتوح وبتابع السكرتيرة من بعيد... 
وكنت منتظره أن السكرتيرة تغيب عن مكتبها ولو لثواني...
على شان أقدر ادخل أنا لياسر... بدون ما تلمحني
ويظهر أن الحظ كان محالفني.. 
لأن السكرتيرة قامت من على مكتبها ودخلت للحمام بالفعل... 
وأول ما لقيت الطريق لياسر فاضي أمامي.. 
دخلت بسرعة واتوجهت لمكتبة مباشرة
لكن...
أول ما دخلت على ياسر ملقتوش على مكتبه
فا بحثت بعيوني على ياسر في المكان
وأخيرا وجدته ...
لكن...
شوفت منظر غريب أوي بالنسبه لي..!! 
والمنظر كان كلتالي.... 
سجادة صلاة مفروشة.. على الأرض ..
وياسر واقف عليها وبيصلي في خشوع.. 
فا فضلت واقفة اتابعة وأنا شارده بذهني
وافتكرت الجرايم اللي ارتكبتها أخته في حقنا
وفضلت أقول له في سري
معقوله...!! 
شقيق العقربة بيصلي.. 
يعني تأكلوا ميراث اليتامى في بطونكم ...
وتقتلوا ....وتفسدوا في الأرض.. 
وفي الآخر تفرشوا السجادة وتصلوا عادي كده
وكنت واقفة أبص له وأنا دماغي بتجيب القديم والحديد....
لكن فوقت .. على صوت ياسر... 
اللي كان انتهى من الصلاة... 
وهو بيسأل... 
وبيقول...
أنتي رجعتي ثاني يا آنسة.. 
فا أستغربت .!! . وسألت نفسي.. 
وقلت... هو بيكلم مين
و رجعت ... قلت لنفسي..
يمكن يكون لابس سماعة وبيكلم حدا على الموبايل
لكن... بعد ثواني
لقيتوا بيكرر السؤال
وبيقول...
أنتي مش كنتي هنا من شويه مشيتي ليه فجأة.. 
أنتي يا آنسة متردي عليا 
أنا مش بكلمك.. 
في اللحظة دي
عرفت أنه بيوجه كلاموا ليا.. 
فا رديت بسرعة
وقلت...
هو حضرتك بتكلمني أنا.. 
معلش أصلي سرحت شوية على ما حضرتك تنتهي من الصلاة .. 
فا رد ياسر
وقال لي...
أنا خلصت الصلاة بالفعل... 
اتفضلي قولي ...عايزة أيه.. 
فا توقفت أدام سؤالوا.. 
ومبقتش عارفة أقول له.. أنا جاية عايزة أيه 
فا حاولت أغير الموضوع... 
وسألته. 
وقلت..معلش ممكن سؤال.. 
قال..اسألي 
قلت... هو حضرتك عرفت إزاي 
أني أنا اللي جيت ومشيت من شويه 
فا رد ببساطة
وقالي .. العطر بتاعك نفاذ يا آنسة.. 
وبديهي أني أعرفك من العطر بتاعك.. 
قلت... آآه تمام كده أنا فهمت.. 
فا رد ياسر بضيق.. 
وقال لي...
ممكن بقي أعرف أنتي مين وعايزة أيه.. 
فا نضربت لخمة ثاني
ومبقتش عارفة أقول له أيه
وفي الآخر ... رديت بتلعثم
وقلت ...أنا كنت جاية على شان..
أنا .. مندوبة من مصنع عطور..
والمصنع ارسلني لحضرتك.. 
على شان أعرض عليك أكثر من نوع من العطور اللي بينتجها المصنع.. 
فسألني ياسر
وقال لي.. أنتي أسمك أيه.. 
قلت..أسمي هناء .... 
فا رد ياسر بنبرة هادئة
وسألني ثاني
وقال لي..
معاكي عينة من المنتج بتاعكم يا هناء 
فا قررت أبيع له البرفان بتاعي
وقلت..أيوه طبعا معايا أجمد برفان حريمي يا فندم
فا قال لي...
تمام ... عايز أشم عينة من البرفان اللي معاكي
وأخيرا ...لقيت ياسر
بدء ياخذ ويدي معايا في الكلام
في اللحظة دي
قلت انتهز الفرصة... 
وأقرب منه ...وأنهي حياتة بالسم اللي في شفايفي
لكن أترددت
لأن .. بالرغم من أن ياسر كان أمامي 
لكن.. ألا ليه... وطريقة التنفيذ اللي
كنت هق تلة بيها .. كانت صعبة جدا 
إزاي هقرب من راجل غريب واقبل شفايفوا 
و استغربت من نفسي... ومن خجلي
دا المفروض أني فتاة ليل و ببيع المتعة كل ليلة
يبقى إزاي مش عارفة أنفذ مهمة زي دي
واكتشفت أني فاشلة حتي في شغلي
وكنت بفكر أمشي... 
لكن...لما افتكرت كلام العجوزة.. 
فا قررت أني لازم اتجرأ وانفذ مهمتي 
فا رشيت بسرعة العطر على رقبتي ...
وقربت من ياسر... 
وقلت له ... الجديد في البرفان بتاعنا
أنه عطر ومنعم للبشرة في نفس الوقت
قال ..تمام ..ممكن أجربه.. 
فارديت بسرعة.. 
وقلت ..... على فكرة
التجربة عندنا لازم تبقى عمليه.. 
وبما أن العطر حريمي... 
فا أنا دلوقتي وضعت عينة من البرفان بتاع مصنعنا
على رقبتي....!!! 
وتقدر حضرتك تقرب مني على شان تشم البرفان
وتتأكد من مفعولة على البشرة.. 
وبدأت اقترب من ياسر بالفعل.. 
وكانت شفايفي قربت تلامس وجهوا... 
يعني كان فاضل على ياسر لحظات 
وياسر يفارق الحياة للأبد... 
لكن .... وفجاءه .... لقيت ياسر 
بيدفعني بعيد عنو ...!! 
وهو بيردد ... وبيقول...
أستغفر الله العظيم من كل ذنب عظيم 
أبعدي يا آنسة وأتقي الله....!! 
مصنع أيه ده... 
ألي بيستعمل دعاية رخيصة عشان يسوق للمنتج بتاعة... 
في اللحظة دي 
ضړبت الأرض برجليا... 
وأنا هتجنن 
وأقول ... أيه الحظ ده... 
دنا كنت خلاص قربت المس وجهوا
وكنت هخلص على أول واحد في عيله العقربة 
وعلى حظي ... شقيق العقربة
يطلع راجل تقي ... وصعب يقرب من أنثى.. 
وطبعا ماكنش ينفع أحاول ثاني
وكل أللي عملته.... 
هو أني تراجعت للخلف بخجل.. 
وقلت له ..... 
أسفة يا فندم .... لو كنت ضايقتك
بس ده نظام شغلنا.. 
وأنا بنفذ اللي اتعلمتة في قسم التسويق مش أكثر 
فا رد ياسر پغضب ... 
وقال لي...
يا آنسة قسم التسويق بتاعكم بيستخدم وسائل محرمة وغير أخلاقية ...
للترويج للمنتج بتاعة
إزاي بنت زيك
تقبل أنها تعرض نفسها مع السلعة اللي بتبيعها 
بصراحة استغربت من ڠضبة وثورته وغيرته على دينه
أصلي أول مرة كنت اقابل الصنف ده...!! 
والرجاله اللي عرفتهم قبل كده.. 
ماكنوش كده.. 
ولقيتني بسأل نفسي بدهشة
وأقول ..
هما عملوا تحديث للرجاله ولا أيه... 
المهم ..... 
حاولت أصلح اللي أنا نيلتوا ... 
ورديت بسرعة .... وقلت له ...
أعمل أيه بقى منا ظروفي صعبه..
و محتاجة كل قرش بيجي من الشغلانه دي
فا رد ياسر بشفقه
وقال لي... لا حول ولا قوة الا بالله. 
أسمعي يا آنسة...
الشغلانة بتاعتك دي
ممكن تتسبب في اذيتك...
لأن أصحاب القلوب المړيضة كثير
وأنتي باين عليكي بنت صغيرة
ومعندكيش تجارب....
فا رديت بيمسكنة
وقلت ... أيوه فعلا عندك حق
أنا مشكلتي ... أني عديمة الخبره.. 
بس هاعمل أيه... 
هو أنا لقيت شغلانة غيرها ورفضتها... 
فا رد ياسر 
وقال لي.. أسمعي يا آنسة..
أنا ممكن أوفرلك شغلانة محترمة وبراتب معقول
عندنا هنا... 
وهترتاحي فيها جدا .. أيه رأيك.. 
فا رديت وأنا بمسك أيده 
على شان أشكرو ...
وقلت ... بجد ألف شكر
فا أبعد أيده عن أيدي ثاني.. 
وقال لي...
لا ...أسمعي بقى ...
أول شرط في الشغل عندنا هنا.. 
هو .... 
ممنوع التلامس