الفهد الجزء الثاني

ميس _ جميله اتنازلتلي عنه هيا باعت وانا اشتريت
وليد _ جميله ما تبعش ابنها ابدا ولولا انها كانت مسجونه مكنتش بعدت عن ابنها ولو لحظه 
ميس _ ماليش فيه فهد بتاعي انا ولعبتي انا !! 
وليد _ لعبتك !!
ميس _ ايوه لعبتي شكلتها علي مزاجي ودلوقتي بقي تحت امري ومهما اقوله هينفذ هو اه ذكي بس علمته انه لحد عندي ويقفل عقله تماما وينفذ كلامي فقط وعلشان كده ريح نفسك يا وليد طول ما انا معطيتش الامر لفهد عمره ما هيسمعك ولا هيفهمك ده كلبي الوفي 
وليد مسكها من شعرها _ فهد مش كلبك ابدا يا ميس وانا هعرف ارجع ابني لحضني انا وامه وانتي هتفضلي هنا

ميس ضحكت بغباء وشعرها في ايد وليد لدرجه انه سابها 
ميس _ هستمتع وانا بتفرج علي فشلك عشرين سنه وانا بجهزه لليوم اللي تظهر فيه جميله لاني صراحه خفت تظهر فعملت احتياطاتي مهما تعمل هيفضل ولاؤه ليا
وليد _ هتعملي بيه ايه ! يلزمك في ايه ! برجوعي فهد مالوش قيمه بالنسبالك
ميس _ ازاي بقي ! امال انا مين هيخرجني من هنا غير فهد ! مين اللي هوريه ازاي يرجعلنا كل حاجه غير فهد فهد الوحيد اللي هيقدر يقف في وشك ضحكت ومش بعيد اخليه يقتلك 
اڼفجرت في الضحك 
وليد _ عاجبني ثقتك انك هتنجحي يا بنتي ده ابني وابن جميله اه ممكن تعلميه يكره لكن عمره ما هيوصل لحقارتك دي هيفضل شويه زعلان يوم او يومين او حتي سنه بس هيحن لحضن امه ولحضن حبيبته وانتي هتفضلي هنا تخللي 
ميس _ تعرف اني كنت غلطانه لما طلبت من الرجاله يأدبوك كان المفروض خليتهم قتلوك وكنت قټلت جميلتك وهيا بتولد وكنت برضه هاخد فهد بس ملحوقه ما اعتقدش انك هتفضل كتير 
وليد _ لا هفضل يا ميس هفضل والمره دي انا اللي هتربع علي العرش انا وجميلتي 
ميس _ جميلتك الهبله المعتوهه 
وليد _ معتوهه 
ميس _ ايوه معتوهه مش هيا اللي اقنعتك انك تتعامل مع اعمامك وعيالهم بالحب وان الحب ممكن يغيرهم مش هيا اللي خليتك 
تكون ناعم وطري لحد ما اللي حصلك حصلك مش ده كان بسبب حبها وعتهها ونهايتك هتكون علي ايديها 
وليد _ عمر ما كان الحب عته بس انتي ما تعرفيش ده الحب هو اللي خلاني عايش 
والحب هو اللي رجعني والحب هو اللي خلي فهد قلبه يدق وخلاه بدأ يفتح ويدور وراكي والحب بيعمل كتير جدا وهو بينتصر في الاخر 
ميس _ لا الكره اللي بينتصر بدليل فهد كرهه ليكم اكبر بكتير من حبكم 
الباب خبط ودخل اكرم _ جميله هنا 
وليد _ ډخلها 
جميله دخلت واول ما شافت ميس شهقت 
جميله _ وليد انت رابطها كده ليه !! انت ازاي بقيت كده 
جريت عليها وبتفكها وميس ابتسمت جامد _ مش قولتلك معتوهه 
جميله _ معتوهه علشان بفكك ! انا فعلا معتوهه بس انتي ربيتي ابني بغض النظر ربيتيه ازاي بس حافظتي عليه لحد ما بقي راجل وده جميل عليا 
ميس ضحكت _ رديلي الجميل وخرجيني من هنا 
جميله بصت لوليد وميس اڼفجرت بالضحك 
وليد _ بتبصيلي ليه يا جميله ! مش هخرجها من هنا الا بعد عشرين سنه زي ما حبست امي عشرين سنه !
جميله _ وساعتها ايه الفرق بينك وبينها ! 
وليد _ ده رد حق يا جميله 
جميله _ انا مش قادره اتقبل ده فيك ابدا يا وليد مش قادره اتقبل قسوتك دي دع الخلق للخالق ارفع ايدك وقول يارب اني مغلوب فانتصر وهو هيجبلك حقك منهم 
وليد _ لا يا جميله الكلام ده لقليل الحيله وانا مش هسمحلهم يتمادوا اكتر من كده هما لعبوا كتير دلوقتي جه دوري 
جميله _ لا يا وليد لا احنا مش زيهم ابدا 
ميس اتدخلت _ بقولك يا جميله انا عندي ليك عرض اعتقد مش هترفضيه ابدا 
وليد _ كلامك معايا انا يا ميس 
جميله _ استني انت يا وليد قولي يا ميس عايزه ايه ! وايه اللي عندك انا ممكن احتاجه اصلا ! انتي ما تملكيش اي شيء ممكن يكون له قيمه عندي اهتماماتنا واحتياجتنا مختلفه 
ميس بتماطل _ انا املك فهد 
جميله عنيها لمعت وميس ضحكت _ شوفتي بقي اني املك شيء انتي تتمنيه ! 
جميله _ اتكلمي
ميس _ مستعده ارجع فهد لحضنك فهد في حد ذاته ما يعنيليش شيء مجرد اداه وسيله لها غرض وخلاص 
جميله قاطعتها _ ازاي تقولي علي ابنك اللي ربيتيه كده ! ده انتي امه المفروض تحمدي ربنا انه عطاكي فرصه تكوني ام لحد زي فهد 
ميس _ امه ! وفرصه ! ده كل ما ببص في وشه بفتكر وليد وتفضيله ليكي قال امه قال بصي فهد ما يلزمنيش يلزمك 
جميله بلهفه _ طبعا 
ميس _ ماشي شوفي بقي انا مستعده اقوله علي كل حاجه هقوله علي كل حاجه عملتها فيكي من ساعة ما ډخلتي بيتي ومحاولاتي لاھانتك مره وري مره هقوله علي حوض الورد الغبي اللي مش عارفه هو الغبي مهتم بيه ليه ! هقوله اني خليتك تزرعيه عقاپا ليكي علشان اتمتع بشكلك موجوده في الطين بس بدال ما استمتع رجع الاستاذ ونزل معاكي في الطين وزرعتوه مع بعض وحړقتوني انا بمنظركم هقوله علي شعرك اللي جرجرتك منه وقصيتهولك تماما لمجرد انه اتفرد قدامي علي كتف وليد هقوله علي الدولارات اللي حطينهالك في شنطتك وانتي مسافره تستلمي چثه وليد واتمسكتي في المطار باختصار هخليه يكرهني وهسلمه لحضنك في مقابل حاجه واحده بس 
جميله باهتمام _ خديها 
ميس ضحكت _ طيب مش تعرفي ايه هيا الاول 
جميله _ موافقه من غير ما اعرفها 
ميس بصت لوليد فجميله تراجعت _ الا وليد اي شيء موافقه عليه الا وليد جوزي وابني ما يهمنيش اي شيء في الكون غيرهم
ميس ضحكت _ جوزك اشبعي بيه ما تخافيش مش هو اللي عيزاه بس اللي عيزاه جوزك ممكن يرفضه 
جميله _ مالكيش دعوه بجوزي وكملي عايزه ايه وتعرفي فهد الحقيقه 
ميس _ عقد صغير عقد بيع وشړا لكل املاك وليد المجموعه الفلوس الاراضي الفيلا كل حاجه يتنازلي عن املاكه ويشبع بيكي انتي وابنك 
وليد _ انتي بتحلمي 
جميله _ موافقه يا ميس 
وليد هنا بصلها _ بتقولي ايه ! 
جميله _ بقول اني موافقه قصاد ابني متنازله عن الكون بما فيه 
ميس ضحكت _ معتوهه 
جميله _ ايوه معتوهه وما بهتمش بالماديات وليد ابننا هيرجع لحضننا 
وليد _ وميس هتطردنا في الشارع وبعدين ما فكرتيش انك ممكن تتنازلي عن كل حاجه ويطلع المحروس ابنك نسخه منها ومعندوش مباديء ولا اصل ويقولك ما تلزمنيش وانتي محيلتكيش حاجه !
جميله دموعها لمعت _ فهد ابني يا وليد ابني وبعدين هو حر هو