حكمت المحكمه

حكمت المحكمه حضوريا ببراءة المتهم عمار محمود الصياد من التهمه المنسوبه إليه رفعت الجلسه
مكنتش مصدقه بجد ان انا جبت البراءه لشخص فشل محاميين كتير يجبوها وسابوا القضيه ارتحت اخيرا واستقبلت كمية شكر كبيره من اهله وبالذات مامته اللي حضنتني جامد وعيطت لدرجة خلتني اعيط زيها
ربنا يخليكي يبنتي يارب ويسترك ويبارك فيكي ربنا يفرحك زي ما فرحتي قلبي برجوع ابني

يا طنط انا معملتش حاجه ده واجبي وكمان ابن حضرتك كان مظلوم وربنا عمره ما يرضى بالظلم حمدالله على سلامته
روحت البيت اللي عايشه فيه لوحدي بعد مۏت بابا وماما ودخلت على السرير علطول القضيه دي كانت متعبه اوي انا تقريبا مكنتش بنام مش مصدقه انها خلصت على خير وكمان حاسه ان انا ان شاء الله مستقبلي هيتحسن بعد القضيه دي المهم بلا قضيه بلا بتاع خليني دلوقت ف السرير القمر اللي وحشني ده كان فينك يا راجل من زمان نمت وانا لاول مره ابقى مبسوطه بعد سنين كتير عذاب من بعد مۏت اهلي وانا حياتي اتشقلبت 180 درجه طبعا اتشقلبت للأسوأ اااه صح انا مقولتش انا مين اصلا انا شجن منصور خريجة حقوق اتخرجت من 3 سنين بس بابا رفض اني اشتغل عشان كان بېخاف عليا يعني القضيه دي اول قضيه ليا وكسبتها انتوا متخيلين انا اتمرمطت جامد اوي يا شباب والله عما لقيت مكتب يشغلني ومفيش حد كان بيدعمني بالعكس كأن العالم كله متفق اني هفشل عشان الجملة المعتاده انتي بنت مالها البنت يا رخمين يا اعداء النجاح انتوا مالها بس انا مهتمتش بكلامهم وده السبب اللي خلاني انجح دلوقت اتمرمطت كتير اوي عشان يبقى ليا اسم في عالم المحاماه والحمد لله جابت ب فايده وفعلا بعد القضيه دي جالي قواضي كتير اوي وكنت بكسبها الحمد لله وبعد سنتين تعب بقا ليا اسم كبير اوي وبقيت محاميه معروفه وفتحت مكتب كبير وحياتي اتغيرت ومستوايا المادي اتحسن اوي لغاية ما جه اليوم ده ..
استاذه شجن في واحد برا عايز حضرتك ضروري وبقوله مينفعش يدخل من غير معاد بس رافض وبيقول الموضوع مهم جدا ومينفعش يتأخر
اممم طيب اعتذري من اللي عليه الدور ودخليه يا هاجر وربنا يستر
حاضر
طلعت برا وثواني ودخل الراجل ده وكان باين انه متوتر اوي متوتر من اي مش عارفه ده انا تافهة والله اكيد مش متوتر مني يعني
اتفضل اقعد يا استاذ تشرب اي
هاا لا ولا حاجه يبنتي انا بعتذر عشان جيت من غير م احجز بس الموضوع مهم اوي يا استاذه والله
طب ارتاح بس حضرتك قلقان لي كده ان شاء الله كل حاجه هتتحل تشرب اي بس الاول
كتر خيرك والله بس ممكن كوباية ميه
بس كده عيوني ايوه يا هاجر اتنين لمون لو سمحتي وهاتي ميه خمس دقايق يكونوا قدامي يا جوجو تمام اتفضل يا استاذ اي الموضوع المهم
عينيه دمعت وبدأ يتكلم ونبرة صوته مليانه ضعف
انا يا استاذه راجل على قد حاله فاتح محل صغير ف حارتنا كرتونتين شيبسي على بسكوت حاجات حلوه للعيال الصغيره اهو اي حاجه تطلعنا فلوس عشان اصرف على بنتي اللي باقيالي ف الدنيا بعد امها الله يرحمها بنتي ف اولى تجاره من اول ما دخلت الجامعه وبتيجي تشتكيلي من واحد بيضايقها هناك وماشي وراها ف الرايحه والجايه بس بنتي محترمه انا مربيها كويس كانت بتصده لغاية اما جالي يتقدملها بس البت رفضت وف مره ف مره لقيتها اتأخرت اوي استنيت شويه يمكن كان وراها محاضره متأخره ولا حاجه شويه ولقيت رقم غريب بيتصل بيا ولما رديت قالي ان بنتي معاه واداني العنوان ولما روحت ..
قبل ما يكمل لقيته عيط جامد اويي فخمنت اللي حصل وللاسف طلع صح
اڠتصبها صح 
لقيت عياطه زاد وهو بيضرب المكتب قومت قعدت قدامه وطبطبت عليه ولقيتني بعيط معاه
اهدى يا حج اهدى حقها هيجيلها صدقني ومش هسكت الا لما يعفن جوا السچن ومش هيطلع منه ابدا بس المفروض تكون قوي عشان تقوي بنتك انا هاجي اشرب شاي عندكوا بكره وهقعد