اڼتقام عاشقه
علشان يعرف يأمنله حياة كويسه ومستوى عالي يعيش فيه وفي الآخر خسره بالطريقه دي!
استغفر ربه وقام يغسل وشه ودخل تاني للأوضة اللي علياء انتقلت فيه و كانت لسه فاقدة الوعي وجنبها مريم اختها اخر فرد بقيلها من عيلتها
قعد عالكنبة اللي في آخر الاوضة وبصلها بأحاسيس كتير
حزين عليها وفي نفس الوقت مخڼوق منها جدا بسبب استهتارها واندفاعها اللي خلوها تفقد ابنهم قبل ما يتولد
_اهدى يافارس...هي اكيد ملهاش ذنب في اللي حصل ده وابنك مكنش مقدر انه يعيش
بعد ساعه فاقت علياء وبصيت حواليها بعدم فهم وبعدها افتكرت كل حاجه ودموعها نزلت
_حمدلله على سلامتك ياعلياء
بصيت لأختها مريم واتكلم بتعب ودموع
_مات صح
مريم بزعل عليها
_حبيبتي استعوضي ربنا فيه هو مكنش مكتوبله انه ييجي على وش الدنيا...ان شاء الله ربنا يعوضكم انت وفارس
سألت عليه بنبرة غامضه ومريم رديت بحزن
_قاعد بره..شكله مجروح جدا وحزين ربنا يعوضه يارب
هزيت دماغها بشرود
_خليه يدخل
طلعت مريم وناديت على فارس اللي دخل الاوضه بهدوء واتكلم بنبرة حاول تبان طبيعية
_عامله ايه دلوقت ياعلياء
تجاهلت سؤاله ووجهت كلامها لمريم
_سبينا لوحدنا يامريم شويه
طلعت مريم وسابت فارس وعلياء لوحدهم
_ممكن افهم فيه ايه بقا واللي وصلنا للحاله دي
سكتت شوية واتكلمت بنبرة قاسيه وجامده
_فيه اني مش عايزة اكمل معاك..انا كنت طول السنين دي عايشه معاك علشان فلوسك وبما انك خسرتها..طلقني
اټصدم فارس من كلامها واتكلم بعدم تصديق
_لأ انت اكيد بتهزري صح ايه الكلام اللي بتقوليه ده من امتى وانت مادية
بلعت ريقها پألم وحاولت تتكلم بقسۏة لما افتكرت صوره وهو في حضن نور
_والحمدلله ان ابننا نزل لأني مكنتش حابه اني اخلف منك بعد ما فلست
هنا ملامحه كلها اتغيرت وبصلها بسنغراب
__والحمدلله ان ابننا نزل لأني مكنتش حابه اني اخلف منك بعد ما فلست
_اخرسي.. علياء اخرسي علشان اقسم بالله انا ماسك نفسي عنك بالعافيه ومراعي الحاله اللي انت فيها وانك لسه مسقطه
بس كلمه كمان ومتلومنيش على اي حاجه اعملها
ابتسمت پألم وسخرية
_ايه هتض ربني..اصل انت خونتني ف ممكن اتوقع منك اي حاجه عادي
انتبه لكلمتها واتكلم بعدم فهم
ايه خۏنتك في احلامي وبعدين الكلام اللي قولتيه على اني فلست ومش عايزة تكملي معايا مانتي عارفه اني بعمل مشروع كبير وكلها مسألة وقت وهرجع احسن من الاول وكنتي بتدعميني طول الفترة اللي فاتت..انا مش مصدق كلامك ده اكيد فيه حاجه
شديت ابرة المحلول من ايديها لدرجه ان ايديها ڼزفت جامد وقامت وقفت بالعافيه ووقفت قصاده پغضب
_نور جاتلي ووريتني صوركم .. شوفتك انت وهي وانتوا حاضنين بعض
ها ايه تفسيرك يا فارس بيه عن الموضوع ده
فارس فهم هي ليه عملت كل ده وابتسم بسخرية
_وانت بقا من مجرد صور صدقتي اني خۏنتك صح
ياه عالثقة والعلاقة القوية اللي مش ممكن تتهد ابدا..بجد ابهرتيني يالولو..طب مفكرتيش انه ممكن يكون ملعوب علينا ونور عملت كده علشان توقع مبينا ولا مستوى تفكيرك موصلش لحد هنا ووقف
اتكلمت پغضب وصوت عالي
_الكلام ده لو هي بس اللي حضناك وانت ايدك جنبك... لكن انت كنت بتبادلها الحضن ده وبعدين متتكلمش عن الثقه لو سمحت
انا وثقت فيك بدل المره اتنين
اول مره لما رضيت اني اتجوزك في السر وراعيت الظروف اللي كنت محطوط فيها
تاني مره لما شوفت بعنيا صورك مع خطيبتك وقولتلي الورث ومش الورث وعديت الموضوع
لكن المرادي شايفاك في حضنها..حضن واحده كان فيه مبينكم مشروع جواز واكيد بتكنلك مشاعر
ايه بقا المفروض اعمل ايه علشان ابقى زوجه واثقه في جوزها وعظيمه
اسيبك لغاية ما تتجوزها وداخل عليا بعيالكم
_خلصتي
سأل ببرود وهو بيبص في عنيها بقوة
_اه خلصت
طلع من الاوضة ورجع بعدها بشاش وقطن ومطهر وسحبها من ايديها وقعدها عالسرير تاني واتكلم بهدوء وهو بيطهرلها چرح ايديها وبيلف عليها الشاش
_هبررلك انا ليه كنت حاضن نور للمرة الاولى والاخيرة وعايزة تصدقي براحتك مش عايزة أقسم بالله ما هتفرق براحتك برضو
اولا انا كنت مطحون في الشغل كالعاده وجالي اتصال من نور وهي بټعيط وبتقولي اقابلها في كافيه
_فيه ايه يانور مالك طيب
نور پبكاء
_تعالى يافارس ولما تيجي هتفهم
قفل معاها وركب عربيته وراح للمكان اللي قالت عليه واول ما وصل استقبلته بعياط واڼهيار واترميت في حضنه
استغرب رد فعلها ووبعدها برفق عنه وهو بيتكلم بهدوء
_ياماما فيه اي اهدي..مالك!
_انت ليه اتجوزت يافارس..انت مش عارف ان انا بحبك
اتنهد فارس وقعد عالكرسي وهي قعدت قدامه واتكلم بأسف
_نور انا اسف اني جرحتك..بس انا عمري ما وعدتك بحاجه ودايما بشوفك زي ريم اختي...انا فعلا بحب علياء ومش هقدر اتجوز واحده غيرها واتمنى تفهمي الحقيقة وتتقبليها وتبدأي حياتك مع شخص بيحبك ويستاهلك
نور مسحت دموعها واتكلمت بإبتسامه حزينه
_تمام يافارس..بس على
