حور العين
.. البؤس اتفرض عليا زمان .. و المرادى أنا إلى هختاره بإيديا .. محستش إنى قادرة اعمل كدا .. لما أفتكرت كل لحظة قلبى وجعنى فيها .. لأنه بردان ... مش لاقى دفى و لا أمان من اى حد ! ..
__فى البيت __
اترميت بحملى كله على السرير .. وأنا ببص للسقف مكنتش قادرة أفكر فى حاجة .. قطع شرودى رنة الموبايل
سلمى بصوت متحمس عملتى أى
حور ولا حاجة .. رفضت ..
سلمى پصدمة اييييه ! .. اوعى يكون عملك حاجة ولا
حور بمقاطعة .. لا لا .. هو كان محترم .. بس صريح زيادة عن اللزوم ..
قالت سلمى بغباء يعنى أى ..
حور بتعب بعدين يا سلمى مليش نفس اتكلم ولا احكى حاجة .. .
سلمى طب .. طب قبل ما تقفلى .. عايزاكى توصفية بتلات كلمات ...
سلمى بمقاطعة علشان خاطرى ...
حور بتفكير طب هو .. محترم زى ما قولتلك .. صريح .. و حنين جه على بالها موقف العصير و المنديل وقالت حنين من غير حساب
سلمى ضحكت بخبث .. وقالت طب حاولى تفكرى تانى .. دى مش نبرة ولا كلام واحدة رفضت واحد متعرفوش .. دا كلام حد واقع
___عند مالك
رجع البيت .. وعلى وشة ضيق رهيب ..
الخدامة .. العشا جاهز يا مالك بية ..
مالك بنرفزة مش طافح .. لو الست الكبيرة سألت عليها قوليلها رجع تعبان ونام
مالك ماكس .. أنت هنا
.. قعد على الارض جنبة .. وهو بيلعب معاه وإبتدى يخرج أفكاره علشان كانت ملعبكة دماغه أعمل إية .. كل إلى جنبى مصعبين الموضوع عليا .. عارف . . ماما تعبانة .. بس انت شاهد يا ماكس أنى حاولت بكل الطرق اخليها تعمل العملية .. هى مش راضية تعملها إلا لما تشوفنى عريس .. مع إنسانة كويسة ..
أنا مليش فى تزيين الكلام .. بقول إلى عايزه بصراحة ...هى جميلة . . عينيها لطيفة .. يعنى متخيل أنها ممكن تخش حياتى و مش هبقى متضايق .....
بعد تفكير قال بس تعرف أظنها عملت الصح .. لو بتؤمن بوجود حب مستنيها .. حد يقدرها و يحبها .. هتعيش طول حياتها تعيسة و منكوبة لو دا محصلش ..
