ابنتي

لما حسيت اني حامل واتاكدت لما جابلي اختبار حمل وفعلا طلعت حامل اترجيته اني انزل البيبي ماكنتش حابه اجيب طفل من أب زيه وكمان ازاي اصلا اسمح لابني يعيش العيشه دي  طب ازاي الطفل دي يعيش حياه سويه زي بقيت الناس ف مكان زي دا ومن اب ذي ده ف نفس الوقت حاولت اجهض الطفل معرفت كنت قليله خبره ومعرفش ازاي انزله اترجيته اني انزله وياخدني المستشفي وارجع معاه تاني هنا بس البيبي ينزل مرضيش ابدا رده صدمني قالي عايزة تخرجي من هنا وتفضحيني فكراني عيل صغير الطفل هيتولد هنا فضلت اعيط واترجاه بلاش الطفل يجي بالطريقه دي ع العالم دا بس هو رفض برضو ولقيته بقي يجبلي كتب الحمل وكتب ازاي اولد الطفل طبيعي واعمل اي عشان احافظ ع نفسي وع البيبي وبدأت اقراهم فعلا واحاول اتعلم كل شئ عن الأطفال والحمل وازاي اولد بنفسي طبيعي طول الحمل كان بيجبلي فيتامينات وحاجات لوازم الحوامل وبدء الحمل يظهر عليا كنت تعبانه جدا وفكرته هيرحمني بوضعي دا لكن

لو رفضت يمنع الاكل ويضربني ويفصل الكهرباء اترجيته يرحم وضعني واني تعبانه بسبب الحمل لكنه كان فعلا شخص قاسې مأثرتش فيه دموعي ولا توسلاتي رغم كا دا فضلت اتحمل لحد ما قرب موعد الولاده كنت ف الشعر التاسع ف يوم نايمه  ولاني قرات الكتب عرفت ان دوا وقت الولاده كنت تعبانه جدا ومافيش حد معايا ودا أصعب وقت مر عليا كل بنت بتتمنى والدتها او زوجها يكون معاها ياخدها المستشفي يهتم بيها لكن انا ماكنش معايا ولا مخلوق ابدا فضلت احاول وانفذ التعليمات الكتاب تعبت جدا تكاد روحي كانت تطلع وتمنيتها فعلا تطلع وارتاح والطفل طلع بنت جميله  البنت كانت جعانه وبتعيط عملت يانسون ولما برد شربتها يادوب اخدت نقط معدوده ونامت وانا كمان كنت تعبانه حرفيا بمۏت نمت جمبها وصحيت ع فتح الباب معرفش عدي وقت كام لقيته جاي ولما شاف الطفله فرح وفضل يبوسها وقالي جمله غريبه جدا اول بنت من ثمار حبنا تخيلوا بيقول حبنا قال راجل معډوم الضمير كنت قرفانه منه جدا متكلمتش فضل يقولي مالك شاورت