حكايات زوجه

في احد التجمعات العائليه سلمي ضړبت اسر في رجله بغيظ
اسر بۏجع اه يا بنت المضايقة عاوزه ايي
سلمي... خد الواد ده عني شويه ولا خلفته ونسيته
اسر بضيق.... وانا مالي انا مش انتي امه
سلمي پغضب.... ولااا بقولك اي ما انت ابوه ولا تغلط الغلطه وتلبسها فيا
اسر پصدمه غلطه... يعمر بيتك اقطمي
سلمي.. طيب خده شويه وحياتي يا شيخ هبط من شيله
اسر... جبيه يختي نسوان اخر زمن
سلمي بهمس... احسن ما نكون رجاله خرعه
اسر فتح فتح عيونها علي وسعها وهي غمزتله ومشيت
مامة اسر.... جيب يا حبيبي الواد انت شايله غلط
اسر... ادهولها وبهدوء بقولك اي يا ماما الواد ده دمه تقيل زي امه ومش بينيمني ما تخديه معاكي وانا وعد مش هكرر الغلطه تاني

امه بضحكه
متقولش كده يبني ابنك نعمه... بكره تتعود ولما يكبر شويه هترتاح
اسر بزهق... ربنا يعين امه والله ما عارف دي عايشه ازاي دا يعتبر مش بتنام
مامة اسر.... امال ربنا قال الجنه تحت اقدام الامهات ليه.. دا كفايه ۏجع الطلق عليها ببقا ساعتها محدش عالم بحالها غير ربنا وبس
اسر بحب.. ربنا يبركلنا فيكم يا غاليه
بعد فتره من الوقت كان الكل متجمع واسر مستغرب اختفاء سلمي من فتره فقام يدور عليها وسال الكل عنها بس محدش يعرف راحت فين..
اسر لنفسه...دي راحت فين دي ليكون هربت وسابتلي الهم لواحدي وفضل يدور عليها لغايت ما لقاها في اوضه نيمه في سابع نومه... اول ما شافها ضحك علي منظرها وبوقها المفتوح ودرعتها اللي فرداهم
اسر بحنيه
سلمي قومي يا حببتي نمشي احنا في بيوت الناس والمنظر مش مشرف ابدا عشان حد يشوفك بيه وبهمس منظر مقرف يا روحي لو كنت شوفته قبل ما اقع الوقعه السوده دي مكنتش عتبت بيتكم تاني
سلمي بنوم فركت عيونها وبصت لاسر شويه وبعدها حضنته وغمضت عيونها
اسر ابتسم بحب وباس راسها
سلمي... والنعمه يا اسر لو اعرف اني هعيش التجارب دي ما كنت بصيت في وشك يعني مش لواحدك يا حبيبي
اسر... طيب قومي يختي ندور علي ابنك عملين يشقطوه لبعض
سلمي بخضه... هو مش معاك
اسر.. احم لا
سلمي بغيظ زقته وقامت تدور عليه لقته مع عمت اسر
عمت اسر بسخريه... كنتي فين يا حببتي وسايبه ابنك كل ده
سلمي بهدوء.. معلش يا طنط انا كنت مدياه لابوه
عمت اسر... وهو ابوه مسؤول يشيله ولا اي
سلمي رفعت حجيبها وميشلوش ليه علي ايده نقش الحنه ولا مكسورله ضلع.... جيبي يا طنط ونقطينا بسكاتك والنبي
بصتلها عمت اسر بغيظ وقبل ما تنطق اسر نده
اسر من بعيد يلاه يا سلمي عشان نمشي....
سلمي ودعت الكل ومشيت وطول الطريق كانوا سكتين عشان البيبي نام وخيفين يصحا وبعد وقت وصلو وسلمي سابته في العربيه علي ما تجيب الحاجه من الشنطه واسر قفل وطلعو هما الاتنين
سلمي..... اسر هو انا ليه حاسه اننا نسين حاجه
اسر باستغراب... نسين اي تلفونتنا معانا وشنطتك معاكي اهي
سلمي حركت راسها وجت تمشي بصوا لبعض پصدمه.... الوااااااد
ييرجع آسر من الشغل بيلاقي سلمي بټعيط
آسر
معقول يا سلمي حد يعيط وهو بيتفرج علي مسرحية العيال كبرت
سلمي
بدموع..... عشان رمضان السكري هيطلع خاېن ويتجوز علي مراته..... كلكم شبه بعض رجالة خاينه
آسر
ابتدينا حفله النكد بس ابتديناها بدري النهارده..
سلمي
بتبرطم بتقول اي
آسر
لا يا حبيبتي مش بقول حاجه بس بقول جعان وعايز اتغدي
سلمي
ما تروح تتغدى هو انت شايفني حضرموت عنتر ولا كرم الشام...رجالة تجيب الهم
آسر... اتنهد بغيظ وراح فتح التلاجه عشان يشوف حاجه يكولها فملاقش فيها اي حاجه غير جبنه..... بقولك يا سلمى كان في فرخه هنا ما شفتهاش...
سلمي
كنت جعانة اتغديت بيها...اي خسارة فيا
آسر
لا خسارة ليا....طيب الفاكهة فين يا سلمي
سلمي
يعني انا هتغدى مش المفروض احلي.... وبعدين اللي كانوا في التلاجه كلهم مايجوش اتنين كيلو.... و انا برضع يا آسر يعني محتاجة اكل واتغذى كويس...
آسر
مين الحمار اللي قالك كدة
سلمي
امك
آسر
نعم 
سلمي
قصدي امك قالتلي لازم اكل كويس عشان أرضع ابني كويس
آسر
ما انتي طول عمرك بتسمعي نصايح من امي عمرك ما عملتي بنصيحه منهم اشمعنا المره دي سمعت كلامها
..هاتي الواد احسن تاكليه هو لاخر........
بعد ساعة...... سلماااااااا
سلمي
في اي يا آسر بتزعق ليه
آسر
يعني ولا فيه شاي ولا سكر لا قهوة اومال لو مكنتش مكلمك وانا راجع من الشغل وبقولك عايزة اي اجيبه معايا....هووووف